ഒരു നാഴിക മുൻപേ

ഒരു നാഴിക മുൻപേ 
----------------------------------
ഒരുനാഴിക മുൻപേ പിറക്കാനായെങ്കിൽ 
പഞ്ച യോഗങ്ങൾ തികഞ്ഞൊരു ജന്മവും 
പാരമ്പര്യവും പണവും പ്രീതിയും 
ആയുസ്സുമൊട്ടേറെ നേടിയെടുക്കണം 
മുജ്ജന്മ സുകൃതം ലഭ്യമാക്കാം.

കവടി നിരത്തി പറയുന്ന കഥകൾ 
കുറിച്ചെടുത്തു വരച്ചു വെച്ചു 
ഉടൻ വിളിക്കുന്നു ആശുപത്രിയിലേക്കായ് 
സമയമല്പം മാറ്റമുണ്ട് 
ഇന്നിതാ ജ്യോൽസ്യൻ പറയുന്ന സമയം
മുമ്പുള്ളതിനേക്കാൾ കേമമെന്നു

ഒരു നാഴിക മുൻപേ പിറക്കാനായെങ്കിൽ 
പലതാം ഗുണങ്ങൾ കാണിക്കുന്നു 
പേറ്റു നോവറിയാത്ത ആധുനികതയിൽ 
മുൻകൂട്ടി സമയം തീർത്തലാക്കും 
പുതു മുഖ വരവിനെ നേരത്തെയാക്കി 
കണ്ടു മടുത്ത പഴയ മുഖങ്ങളെ 
കോലാതെ കൊല്ലാം എന്ന വക്കിൽ

കവടി നിരത്തി ചോദിക്കുന്നു..
ഒരു നാഴിക മുൻപേ മരണമുണ്ടോ..

സുധന്യ ഗുപ്ത