സ്വപ്നങ്ങൾ.....
(സുധന്യ സന്ദീപ് വടക്കേപ്പാട്)
രണ്ട് ലോകത്തെ രണ്ടു വ്യത്യസ്ത വീടുകളിൽ നിന്നും
ഒരേ സ്വപ്നം കണ്ട് രണ്ടുപേർ....
പിന്നീട്.......
ഒരേ വീട്ടിൽ നിന്നും ഒരേ കട്ടിലിൽ ഒരുപോലെ പലസ്വപ്നം കണ്ടവർ.........
പതിയെ..പതിയെ....
ഒന്നുംപറയാതെ അറിയാതെ...
ഒരേ കിടപ്പുമുറികളിൽ സ്വപ്നങ്ങൾ കാണാൻ തുടങ്ങി.....
ഒരേ കട്ടിലിലെ രണ്ട് വ്യത്യസ്ത ധ്രുവങ്ങളിൽ രണ്ടു വ്യത്യസ്ത സ്വപ്നങ്ങൾ അവർ സ്വയം നെയ്തു കൂട്ടി........
പിന്നെയോ,.
ഒരേ വീട്ടിലെ രണ്ടു കിടപ്പറകളിൽ ഒരേ സ്വപ്നം സാക്ഷാത്കരിക്കാൻ..... പതിയെ പതിയെ....
രണ്ട് ലോകത്ത് ഭൂമി രണ്ട് വ്യത്യസ്ത ധ്രുവങ്ങളിൽ പഴയ സ്വപ്നങ്ങൾ ഓർത്തിടുന്നു ഒരിക്കലും കൂടിച്ചേരാൻ പറ്റാത്ത ചിലന്തിവല പോലെയുള്ള പഴയ ഒരുമിച്ച് സ്വപ്നങ്ങൾ.......
അതിലെവിടെയോ പൊതുനാമം കണ്ണീർ അവർ കണ്ടു
തിരിച്ചറിയാനാവാത്ത ഏതോ ഒരു കോണിൽ
കുഞ്ഞുപുൽക്കൊടി കരയുന്നുണ്ട്.......
ഇടയ്ക്ക് അറിയോ തിരയുന്നുണ്ട് ....
സ്വപ്നങ്ങളുമായി തിരിച്ചുവരുന്ന
ആ രണ്ടുപേരു മൊത്തുള്ള
ഒരേ ലോകത്ത് ജീവിക്കുവാൻ
മൂന്നുപേരും ഒത്തുള്ള കുറേ സ്വപ്നങ്ങൾ സഫലമാക്കാൻ...
