കൊറോണ നാടു വാണീടും കാലം
മാനുഷരെല്ലാരുമൊന്നുപോലെ
ആശങ്ക പരത്തി കഴിഞ്ഞിടുന്നു
ആഡംബരം അങ്ങു മറന്നിടുന്നു
ചിക്കനും മട്ടനും ഒന്നുമില്ല
ഉണങ്ങിയ മീനിൻറെ മണവും ഇല്ല
കാലത്തു മുറ്റത്ത് കിളികൾ നാദം
കാണാത്ത ബാല്യങ്ങൾക്ക് ആസ്വാദനം
തൊടിയിലെ പ്ലാവിന്റെ കൊമ്പത്ത് കേറ്റി
ചക്കകൾ വെട്ടി ഊണ് ഒരുക്കീടുന്നൂ
ചക്കക്കുരു സ്ക്വാഷും, ഡാൽഗുണ കോഫി
വീടിനകത്തും സുപ്രസിദ്ധം
അന്തി മയക്കത്തിൽ കട്ടൻ അടിചൊരെല്ലാം
കട്ടൻ ഇല്ലാതെ ഉറങ്ങിയിടുന്നു..
കഞ്ഞിയും, പപ്പടം, ചമ്മന്തിയും
വീട്ടിലെ ഉണ്ണിക്ക് ആരോഗ്യസൗഖ്യം
കുടുംബ കലഹത്തിന്പാത്രമായ
സീരിയൽ കോമഡി നിന്നുപോയി
പണം വാരി എറിയും കല്യാണങ്ങളില്ല
പിച്ചക്കാർ തെണ്ടിനടപ്പതില്ല
വൃത്തിക്ക് മുടി വെട്ടും ബാർബറില്ല..
പാർലറുമില്ല, സലൂനുമില്ല..
അതിവേഗം പായുന്ന വണ്ടികളില്ലാ
ആക്സിഡഡ്ന്റില്ല, രോഗികളില്ലാ...
വൃത്തിക്ക് കൈകൾ കഴുകിടേണം
വീടിനുള്ളിൽ നാം ഒതുങ്ങിടേണം..
വീട്ടിലെ പെണ്ണിനെ സോപ്പിടേണം
വെട്ടത്തിറങ്ങാതെ നോക്കിടേണം..
കൊറോണ നാടുവാണീടും കാലം
മാനുഷരെല്ലാരുമൊന്നുപോലെ പോലെ...
സുധന്യ സന്ദീപ് വടക്കേപ്പാട്ട്
