ഒറ്റയാത്രകൾ

ഒറ്റ യാത്രകൾ
സ്വപ്നങ്ങളുടെ നിശബ്ദത കളിൽ
കാലിടറിവീഴുകയെന്നാലും
യാഥാർത്ഥ്യങ്ങളിലെ പൊള്ളുന്നലോകത്തെ
പാടെ മറന്നെത്തിയീ മായാലോകത്തിൽ

പെരുവഴിയിൽ പല കാരണങ്ങളിൽ
അസ്വസ്ഥമായി അലഞ്ഞിരുന്ന കാലം
നിശാ സഞ്ചാരി, നിരന്തരമുൾഭൂതത്തെ പോലെ
നീറിപ്പുകഞ്ഞ നരകയാതനകളേറിയ സ്വപ്നങ്ങൾ
പൊട്ടിച്ചിതറുന്ന കളിമൺ പാത്രങ്ങൾപോലെ
അലക്ഷ്യമായി പാതിവഴിയിൽ എങ്ങുമെത്താതെ

എല്ലാം കോർത്തിണക്കിയപുതിയ സ്വപ്നങ്ങൾ
പുത്തനു്ണർവിനെ പടിവാതിലിൽ..
കനവുകളിൽ നിന്നും മഴയോർമ്മകളിലേക്ക്
കോർത്തിണക്കിയ സ്വപ്നങ്ങളെ ഒരുക്കൂട്ടി
മഴനൂലുകൾക്കിടയിലൂടെ തിരയുകയാണ്,
ഒരു വിഷുപ്പുലരി പോലെ, മഞ്ഞ പൂക്കളെപ്പോലെ
വിരിഞ്ഞു പൂത്ത് തളിരിടാൻ..
ഒരു തിരിച്ചുവരവുകളില്ലാതെ,
നിറമില്ലാത്ത ലോകത്തു നീറിപ്പുകയാതെ
ഒരുപാട്കലങ്ങളിൽ നിന്നും
തിരിച്ചറിവിനെ പാതയിലേക്ക്

ഇനിയും പോകണം,പോയിടത്തേക്കു തന്നെ..
തിരിച്ചറിവിൻറെ ആ പരീക്ഷണ പാതയിൽ
പൂക്കളുടെ നിറമഞ്ജരികൾ തേടി..
ആശങ്കകൾ ഇല്ലാതെ, ഒരു ആഷാഡമാസം
ഒറ്റ യാത്രയിൽ, ഒരൊറ്റ സ്വപ്നവുമായി............

            സുധന്യ സന്ദീപ്‌ വടക്കേപ്പാട്ട്